Чизардум айбдор

Аз қарорум, нанаẋтизд гап аз му ғем

Аз па та зорум, аранг би ẋац царайст в̌ед̌

Якбор назар ке̂, ту тар ме̂ му кинора

Та қатай парандаюм, амо би таюм ар пед̌

Вога ику д̌е̂д ат шарат

Цу̊ндо қасам мис цахам

Турдум ико бебаракат

Аракат тар зиндаге̂ нист

Арцу̊нд цанағҷисен солен

Уз хе̂р ту куре̂ кинум

Сафед хун аз ту цемен

В̌ад̌та в̌инен, гап кинен

Маш байнард бев̌афое̂

Узум ту пе̂ронде̂ чизу̊н

Де̂ му пе̂ пиц, бе хафаге̂

Хаттоге̂ аз му цасу̊д

Тут в̌ите̂ят̌ аз му безор

Ат ту лакчидов̌ мурд мидов̌

Чизардат му дил сав̌ор

Нист дам сав̌олард ҷав̌об

Уз хамбенум ту юẋкен

Сазов̌оре̂ туюм мис нист

Ат пе̂ ту зорен му шанден

Қасамен ат в̌ад̌ гапен

Фукат̌ам в̌ев чуд че̂ẋац

Шичум ту цеменард ẋабиʓ

Аранг ёцард цаг̌ипе̂ ẋац

Баде̂ в̌е̂ нижор цакиẋт ниẋхор

Шайту̊н ар ту фикрен

В̌еру̊н гапен аз ту, аз му

Ниже̂рен маш орзуен

Ат му тана тир ту д̌устен нист

Ат фақат в̌ев ҷой

Тунд аз му халосе̂ нист

Узум ту дилакард рой, ду̊нҷат

Аз қарорум, нанаẋтизд гап аз му ғем

Аз па та зорум, аранг би ẋац царайст в̌ед̌

Якбор назар ке̂, ту тар ме̂ му кинора

Та қатай парандаюм, амо би таюм ар пед̌

Мастум, уз масте̂ маюм

Мастум, уз масте̂ туюм

Уз масте̂ шароб ат масте̂ қалобат

Маст пе̂ ту дарбор

Ку му фикрен ту ке̂ барбод

Аранг ẋуʓ ар биёбу̊н

Гу̊р киẋт шошанд му ну̊м

Ду̊нд вуд, икду̊нд

Ат му цемен ғалат̌ тар пу̊нд

Жив̌ҷум ту шанденте̂ баюм

Д̌уст д̌ам ту ғунҷен

Ет кин ху цемен

Дад̌ен фукат̌ худ̌мен

Тут мот, безор

Маш байнард д̌е̂д ат шарат

Чизам аз де̂ хурд вируд

Алоқа сут қат

Тунд тар му нист дига диққат

Му диққатард фақат тоқат

Чидов̌ қабул ақиқат

В̌ахт дивест мот турд

Царанг жив̌ҷгаẋанд асар

Го чисе̂ дис талх дивест

Го чисе ширин аз асал

Масал га наварум турд

Ида машам намуна

Сифанам тир ат тагов

Гуму̊нум, дис заму̊на

Аз қарорум, нанаẋтизд гап аз му ғем

Аз па та зорум, аранг би ẋац царайст в̌ед̌

Якбор назар ке̂, ту тар ме̂ му кинора

Та қатай парандаюм, амо би таюм ар пед̌