Якбор чис тар му цемен

Якбор чис тар му цемен

Мад̌ фук ростат̌ турд лу̊вен

Ме̂ ҷау̊нанд бе ишқ зиндаге̂

Набофт, ту бов̌ар ке̂

Фикре̂ кин ту мам дав̌ра

Бе ишқ натизд ям заму̊на

Уз царанг де̂ турд лу̊м

Ям ишқ фақат маш канора

Заму̊на нист бе баор

Бе баорта ру̊й над̌ед

Гулта бе ẋац ру̊й над̌ед

Бе баор ю бу̊й над̌ед

Мунд му диланд ишқ яст

Мурд яст в̌ирд бов̌аре̂

Бе ишқта ачат̌ насу̊д

Маш диланд руẋное̂

Узум ишқ в̌инт ху

Зоẋтум в̌е̂ ху диланд

Дизга ишқта ачат̌ натизд

Аз му диланд

Паранда мис нарив̌озд

Пе̂ осму̊н бе пар

Ишқ кабутар дастур рив̌озд

Ту в̌е̂ ẋикар

Ту диланд ишқ цавид

Ту ху иссе̂ зинда

Ту диланд ишқ цавид

Тут Худ̌ой банда

Арчай ишқард цанад̌ид бов̌аре̂

В̌инд фукв̌ахт в̌е̂ диланд торике̂

Ям маш ишқта тизд, арангат дарё

Тиздта маш қате̂ ар в̌е̂ дунё

Якбор чис тар му цемен

Мад̌ фук ростат̌ турд лу̊вен

Ме̂ ҷау̊нанд бе ишқ зиндаге̂

Набофт, ту бов̌ар ке̂

Ишқ қате̂ ту шухе̂ мак

Оқибат — в̌е̂ ой ту д̌ид

Илавен яст одамен

В̌ад̌ дирд бов̌аре̂ над̌ен

Ишқта ар ту дил цадед̌д

Ю напеẋст ‘ту дил царанг?’

Ишқта тунд пед̌о цасу̊д

Ту ишқард бев̌афое̂ мак

Ям зимисту̊н бе ту мурд икдис шитто

Цавие̂ му хезанд, гарм му киẋт ту шинтов̌

Ям ẋаб ат мет̌ мис икдис дароз бе ту

Аранг ẋапарак бе шам цанавард̌ед, дизга уз — бе ту

Узта ту пе̂роянд бод̌ д̌ам ху зара

Д̌арум д̌од аз ту ху, му дил киẋт нола

Ẋапарак миғун, уз ног̌ум ту гаргинуẋа

Туят гул рангте̂ — зе̂м аз ту бара

Тунд ту дил агар цанад̌ид бов̌аре̂

Ту му ишқ хурд ачат̌ мафам хаттоге̂

Ту якбор чис тар му цемен, мад̌…

…фукат̌ ростат̌ турд лу̊вен

Якбор чис тар му цемен

Мад̌ фук ростат̌ турд лу̊вен

Ме̂ ҷау̊нанд бе ишқ зиндаге̂

Набофт, ту бов̌ар ке̂