Narinesum tu

Маш айбдорен ẋикарам, но фукат̌ ид айбе̂ маш

Машам ишқард дакчуд парен

‘О, ишқ, ку ше̂ рив̌аз, ку нолао ке̂ бас’

Мот ту диленен уже̂ аз пигот̌ сиц даснорас

Узум нав̌ фамт, ишқ фукат̌ фанд, ишқ зур киноянд ду̊нд

Мот ту роленен наят баробар, нага маш пу̊нд

Арчайцае̂ аз тир бозе̂ чуд маш дилен қате̂

Ё хубат̌ам маш зоẋт ху, чудам ишқ қате̂ бозе̂

Лу̊вҷен, арчизанд яст в̌е срок, арчизанд яст в̌е̂ в̌ахт

Мумкин просроче̂нне̂ сат мот ту пибир ям тахт

Мумкин хатто насибсуд̌ҷин машард аз тират̌ бахт

Хубам маш ишқ қилоғ анҷувд — чис, ю фук килахт

Ку ло мурд, кара ту вирим — ар интернетат нист?!

Ид ту вечне̂ хомуш телефу̊нта цав̌ахт пид̌ист?

Ẍоҷ аз му мад̌ер, одамхидум бас чид аз пиго

Ичиз даркор нист, просто ẋинум ту садо

Фамум

Дигата нав̌инум ту

Дигата наẋинум ту

Дигата навирим ту

Узта нарине̂сум ту

Мумкин тут фанд, мумкин тут просто соя

Хир рух де̂ бед, тата мис бесе̂ — узум во тоқа

Аҷоиб, ане? Аҷоиб афсу̊на

Дис хах наздикам вад ат шичам дис хаẋ бегу̊на

Ку ло, тут чиз ẋуд, цабедат, таркаят ху бине̂ст?

Тут бе му пеẋстов̌ат̌ зоẋт ху, в̌изудат в̌ам маш ме̂ст

Мумкин ишқат̌ тунд навуд ху, навирудат бу̊на

Ёинке̂ норозиен вад дад̌ ту ху̊нав̌ода

Узум, д̌ев̌ин миғун, мағʓ му бадил накиẋт

Мумкин цақив̌е̂, узта во ẋо кинум турд бахиẋ

Ям ишқ дизга, ям аранг ширин зар

Остаят̌та зинт му, лак масам хабар

Тарка ху кинум, узум масте̂-масте̂зор туҷат?

Ху дилум ет чуд, ту ну̊мум д̌од ямте̂ печат

Узум дис хаẋ ту жив̌ҷ, хоиẋум турд хушбахе̂

Гап най, му қате̂ят цанист, лак ига қате̂ ве̂

Фамум

Дигата нав̌инум ту

Дигата наẋинум ту

Дигата навирим ту

Узта нарине̂сум ту