Пе̂ дам ме̂ст

Ку ло чиз ар ту хаёл

Пе̂ дам ме̂ст цачисе̂?

Ху фикрен ку мурд ло

Жив̌ҷато му?

Даргиле̂ от ар цеме̂н

Наздикде̂ мурд цаяде̂н

Баробар яден фикрен

Ат гуногунен ма̄ш диле̂н

Маш хоиẋен, цанасен в̌а̄д̌ гиро

Дам ту қиссаяндом нист ту ҳеро

Ту барост му дил шилиго?

Му хаёландат ту қино?

Ку ма̄к, намак му захмте̂ ла̄к

Ẋа̄бене̂н наг̌ҷид хе̂р беадад

Гуму̊н, ида, ду̊нд мот ту байнанд вуд ям қисмат

Ку ло чиз ар ту хаёл?

Пе̂ дам ме̂ст цачисе̂

Ху фикрен ку мурд ло

Жив̌ҷато му?

Ту шитто рузенандом рози вим уз турд хир

Ид шамолта аз ту дарго в̌адаге̂ мурд вирт

Ваден қисмен ат алол пуфте̂ ẋуʓак ху

Яборум уз хабар тут нист, ёд̌д сав̌ол