Туюм бине̂ст

Фамум, уз бояд рине̂сум аз ту

Дизга осу̊нде̂ су̊д дига бе ту

Ат мурд нафорт ту риниẋтов̌

Бе ту тар ху зиндаге̂ чиẋтов̌

Диҷат му зиндаге̂ мане̂ят ту

Икду̊ндум маш ишқ ху д̌устанд анҷувд

Худ̌ое̂ дакчуд, Худ̌ое̂ парҷувд

Зиндаге̂ қонун марине̂с

Ив̌та виред ат ига бине̂ст

Узум бине̂стат, амо ғалецум наринуẋт

Аз ме̂ д̌аре̂ навард̌им ху гап турд лу̊м

Лак ям му соз рист турд му пе̂ғу̊м

Ат му яст ту аҷга нав̌ине̂

Ё ив̌ахтта аз му мидов̌ ẋине̂

Фам, мидов̌те̂ мис му охирин гап — ту ну̊м