Lyrics
Жив̌ҷум ту икта̄м
Ту му ҷу̊н тилабат, уз в̌е̂ вам
Ту в̌е̂ пу̊ндте̂ят̌ рине̂с ху, са
Аз му лу̊ве̂ кам ху, кам ху, кам
Жив̌ҷум ту в̌ите̂
Цакине̂ мурд ет дузах диве̂
Узум ғал пид̌инте̂ят, ẋинум
Аз зибо ту қулф цад̌ад̌е̂ в̌е̂
Жив̌ҷум ту миҷоз
Фук ту лоғбозе̂ ата ту ноз
Мурд пу̊ст пите̂в̌е̂ тар пид̌инд
Бад, ав̌қот ҷойте̂, цаваре̂ коз
Жив̌ҷум ту, мисол
Цанад̌ад̌е̂ умре̂ мурд алол
Ё цакине̂ яст ага хаёл
Узум пу̊ндте̂ аз ҷебак в̌е̂ẋчин мол
Жив̌ҷум ту, ло те̂
Са аз арҷой вид, му бахт вире̂
Уз ту бахт вирим ху, вам, чисум
Тут му бахт цад̌од̌ҷ азор гире̂
Жив̌ҷум ту, убул
Мис цасам аз ишқ ата хиҷул
Бад му т̌ир ғуборе̂ барфалак
Ар тараф цаешт, цаешт ям шамол
Жив̌ҷум ту
Е, ба Худо, жҳив̌ҷум ту
Жив̌ҷум ту бе сабр
Ло ‘аз хир пиро са ай ке̂ абр’
Уз кинум де̂ ху, фано ядум
Ту айру̊н цапеẋце̂ му ту ҷав̌р
Жив̌ҷум ту, мазоқ
Цакине̂ му ат му нае̂ қоқ
Ё Мав̌ло ҷу̊ма цад̌ед е̂ руз
Аз ме му тиждов̌ д̌у ҷойва чоқ
Жив̌ҷум ту ху, хай
Цакҷне̂ мис аз пид̌инд му ай
Мунд му мид̌те̂ цанарист е̂ ҷой
Ат кучара цанарист е̂ фай
Жив̌ҷум ту, нигин
Цатилабе̂ аз раге̂ замин
Уз якбор мис цаналу̊м ‘ид қин’
Ту якбор мис цаналу̊ве̂ ‘офарин’
Жив̌ҷум ту беад
Ага ига жив̌ҷат мис цавад
Ту ар ẋаб мам соз цалу̊ве̂ в̌ирд
Ат ю мис арруз цакиẋт ту рад
Жив̌ҷум ту, дунёте̂
Цанавирие̂ бахт иҷо
Бад е ẋаб ту рагум ат расв̌о
Аз диве цадед̌д, цадед̌д дис фано
Жив̌ҷум ту
Е, ба Худо, жҳив̌ҷум ту