Матни суруд
Ям нафам чизин ят̌ч дав̌р ата замун
Фукат̌ен ху ғинвид қате нур айрун
Доим цавуд фукат̌ е расм ат русум
Нур туло ям ғуҷтиждак ар е медун
Доим цавуд фукат̌ е расм ат русум
Нур туло ям ғуҷтиждак ар е медун
Нур чисе, сур — ҷазм, е рақосе
Хумне сарт̌едак ата е ҷосузе
Нақша нет̌ҷин фукат̌ соат қате
Ика зиндун, аз в̌ам цанист халосе
Ага иҷондеям ност
Юта тез-тез тар соат чост
В̌е ҷисм юнданд ат в̌е ру най
Вое ху телефун зив̌ост
Икам дунё кор чап ат рост
Луве, бағер, фук в̌е барост
Азед гап т̌ид, азед нивишт
Тар машта якбор мис начост
Ат амо цалум тамард рост
В̌инд на кор ат на е хост
Фақат икдунде — ю ғиндор
Я пе чид, аз в̌амен рицост
Фақат икдунде — ю ғиндор
Я пе чид, аз в̌амен рицост
В̌ам ҷунташ азка кихт тоқат
Ю на хурд т̌ид икдис рухсат
Нахтизд аз чиданд ху, тизд
Назохче аз в̌ам иҷозат
Бадта я катоз в̌ирд нивишт
Қив̌д аранг кихепцо ца хишт
Ху бадат чухт, машард га қив̌д
Юе ҷав̌об дер де нивишт
Уз бад де чисум тар в̌е ол
Ико ранг мард — сут̌ҷ зув̌ол
Тар в̌е чисум ат му юхк тизд
В̌индик на ол ат на ав̌ол
Ю бечора мис ят̌ч якбор
Ёрен ғуланд нит̌то дамв̌ор
Якбор ринест ху қиниен
Арцунд мис цавид ю ғиндор
Ю бечора мис ят̌ч якбор
Арцунд мис цавид ю ғиндор
В̌ирд мис нав̌ехч моле қорун аз осмун
Хаб ат мет̌ менат дарун ата т̌идта ҷун
Рух в̌ите т̌ед, фақат фикре бач ат кач
Бадта нахо в̌е чидга мис
В̌ирд кинен зиндун
Бадта нахо в̌е чидга мис
В̌ирд кинен зиндун
В̌амард ю в̌е менат на фарқ ат аҷоиб
“Маҷбур ю нист на, зирётен соиб”
Ат хубат̌ фикре кихт, я ика дунд
Цачост, мумкин, тар енак я тар ху қолиб
Пе в̌ам гапт̌ед набофт, я сар хушсурат
Фикре кихт, в̌ам бояд фук кинен тоқат
Яе цачухч тар в̌е, цачуғҷе в̌ирд чор
“Ю бояд сар то вега кихт Хут̌ой шукрат”
Ё енак тар чид вирихц, ё чид хаб ат гур
Ё в̌аме фанд т̌от̌ҷ, ё я кар ат кур
Нахо наред катанак, наред соиб
Ло ху т̌ерв пастде в̌ет̌ ат мут т̌а пе ху дур
В̌ам талабот арангата жов̌ард ғорҷ
Пул ат молга деихт арангат хидорҷ
Талабот цавид пис хислат ат сурат
Ат ю сурат наята, арангата ворҷ
В̌аманд в̌ам дил пур, в̌амта тоқатен
В̌амта ай накинен, в̌аманд зирётен
Илавард зирёт цавид — манее аёт
В̌амарден в̌ат̌ сипар хер тама зотен
Караоке
Караоке «Aga Ijondeyam Nost» аз Aziz Gulamadshoev дар Echo: версияи инструменталӣ бе овоз ва нишондиҳии нотаҳо — Echo тавассути микрофон гӯш мекунад ва нишон медиҳад, ки нотаҳои шумо ба оҳанги аслӣ то чӣ андоза наздиканд. Ройгон.
