Чора Шугни

Ин чӣ шаб буд, ки дар хоб нашуд чашми надим

То саҳар будам бедор чу мурғони наҳим

Боғро сабз кунад тарбияти боди баҳор

Санг зинда нашавад гар расад аз субҳ насим

Нашнавад панди насиҳ ошиқи содиқ ҳаргиз

Дарди мо чора нагирад зи мудовову ҳаким

Ҳама гӯянд ки андеша кун аз ҳайбати дӯст

Ман чунин тавба шуморам ки гуноҳ аст азим

Ҳама безор шаванд аз ман агар ҳамнафасон

Дили ман лек бувад ҳамдами дӯстони муқим

Шарари оташи ишқ аст чу нори Намруд

Наҳаросам ман аз ин ҳайбат чу Иброҳим

Мурам аз хок лаҳад гар шунавам овозат

Хоки ман дар лаҳадам бар ту намояд таъзим

Тамаъи васли ту андар дилу тарсам аз ҳаҷр

Орзу нест дунёву на аз душман бим

Куштанам тарс набошад ба дари хонаи дӯст

Аҷаб он аст ки мирам зи ғамат зору сақим

Шоҳи одил ба ҷаҳон бошад бечора навоз

Ту ки шоҳи ду ҷаҳонӣ, бинигар ҳоли Азим

Шуғниё, гӯша гузин аз баду неки дунё

То наафтӣ ба фиреби бади шайтони раҷим

Шуғниё, гӯша гузин аз баду неки дунё

То наафтӣ ба фиреби бади шайтони раҷим