T I R A M O

Ред

Ям торике̂ аз му дил дарунанд

Ачат̌ натизд, чис тар му пиц

Ям в̌азмине̂е̂ мис дис хаẋ бидал му чуд

Даргилум сут хуте̂, гард̌ен мурд дус соқе̂

Бору̊не̂ сар чуд ху д̌е̂дов̌, мардум наред ар маш дарго

Хир ҷой абрен зибо, вуд тобисту̊н, ят тирамо

Зиндаге̂нде̂ цаёд̌д те̂р ха̄т

Ху ба̄д асало цагард̌ент за̄р

В̌ахт натиздат, ту цад̌а̄д̌е̂ ба̄р, най

Мад̌е̂ ту пе̂ро аз ẋуʓ, му ве̂род, фук аз пе̂ро

Ям зиндаге̂, маманд фана̄ корен хатто

Амо шич хубат̌ ту фа̄м, ча̄й дуẋман, ча̄й оẋно

Қине̂ в̌ахтенанд е̂ст в̌ев ẋуʓ, аранг ғубор

Бору̊не̂ сар чуд ху д̌е̂дов̌, амо му дилард нист амро

Хир бед абрен зибо, маш тобисту̊н га̄ẋт тирамо

Амо ред

Ям торике̂ аз му дил дарунанд

Ачат̌ натизд, чис тар му пиц

Ям в̌азмине̂е̂ мис дис хаẋ бидал му чуд

Даргилум сут хуте̂, гард̌ен мурд дус соқе̂

Узта ғалат̌ ме̂ ху пу̊ндтир нав̌инумат, пу̊нд тим

Нафа̄м чизта лу̊вд ям му оянда̄

Цу̊нд пид̌гата цезу̊н д̌им, амо рухта д̌ид му пу̊нд хир

Ме̂ст яттов̌те̂ катат̌ су̊д во хир мурд бегу̊на̄

Фукат̌ ғалат

Ям зиндаге̂ де̂ тожд тар му ẋелак

Ẋаб ат мет̌ му зорд̌те̂ ғалчата, ẋикар пу̊ндак

Фук дард̌енте̂юм ху цем бид̌ембтат

Му дил дарун во д̌ед бору̊н

Му ёс пе̂ осму̊н, қатра̄ садоен