Яст биде̂

Яст ақу̊не̂ят̌ биде̂ё тахт вид

Яст мардум фа̄ндд̌е̂д навид ганда̄

Яст одам бояд ху ҷебте̂ сахт вид

Яст биде̂га цавид ю гуẋна̄

Яст биде̂ ту д̌уст сина̄те̂ кил в̌ед̌д

Яст в̌е̂ бечораяндо в̌е̂ дал

Ю аз маг̌ʓу̊нҷе̂ Худ̌ойте̂ жир в̌ед̌д

Ат тундо муду̊м гуẋт ат асал

Одаманд д̌у пу̊нд, айру̊н, чиду̊м ку

Иказв̌еванд ҷур ата̄ қабул?

Ёта сав̌е̂ ту сар бой ғулу̊м ху

Ёят сар озод ат сар бепул

Яст мулканд ича̄й иче̂ нав̌интат

Ё яст фук в̌иненат, фукард ҷур

Яст биде̂га вид пулте̂ ғинвидат

Яст йа̄та в̌е̂ жив̌ҷ киẋт баде̂ сур

Яст вид зур бида̄л ишқ пул ат тахтте̂

Яст ху зивте̂ жириẋтов̌ баша̄нд

Яст биде̂ ке̂ цем чуст тар бадбахте̂

Ат зар ат тилло қате̂ ху фа̄нд

Ястга тар зирёт в̌ахт ачат̌ мавид

Яст ю хубат̌ бояд су̊д ғулла

Яст аз в̌е̂ залулде̂ кор фана̄ вид

Тар куча̄ яст су̊д баша̄нд ғид̌а̄

Ба̄д зибо цав̌а̄ғд ху дод пе̂ пицат

Ба̄д зибога на̄н цанист даркор

Яст аҷга аз кайф ху гурм напиʓдат

Пас ку лу̊вет, ча̄й еданд айбдор?

Одаманд д̌у пу̊нд, айру̊н, чиду̊м ку

Иказв̌еванд ҷур ата̄ қабул?

Ёта сав̌е̂ ту сар бой ғулу̊м ху

Ёят сар озод ат сар бепул

Яст мане̂е̂ зиндаге̂ё пул вид

Яст ишқ ата̄ ошиқе̂ суд̌ҷ хер

Яст арча̄йца икдитте̂ маҷбур вид

Ат мурдат̌ наёд̌д ҷурат, вим ғер

Яст ям зиндаге̂ на тунд, на в̌индат

Яст соф арча̄йцага мам соиб

Яст турд аҷоиб туят ку чиндат

Ат в̌ирдат нист ачат̌ аҷоиб