L&M

Туят ика Лайли, узум ику Маҷнун

Туят насиц бидал, узум насуд̌ҷ дигаргун

Тут сиц безоре̂ му, узум суд̌ҷ мот аз ту

Амо, бов̌ар ке̂, ту миғунум ачат̌ навируд

Туят иктуят̌ вад ху, чудат миду̊нд сол тоқат

Ичайга ẋо цавиц, пигот̌е̂ нивишч мурд белат

Фамум, ганда̄юм уз, но тут мис нист фариẋта

Амо бе туят̌ум ẋо ачат̌ нафамċ ишқ мазза

Ям в̌ахт д̌ев̌ин суд̌ҷ, ё д̌ев̌инакте̂юм ху в̌ед̌ҷ

Ям ишқе̂ дизга му чуҷ — уẋ пе̂ му ачат̌ наред̌ҷ

Машам ошибка природи, ё природа — ошибка?

Якдигар д̌ев̌ин чидов̌ — ид маш любиме̂ привичка

Муен солен бидал чуд — чуден му дусга пирде̂

Му гордост ат ту ревностен чуд му аз ту д̌арде̂

Ё лап хаẋам боде̂, ё лап хаẋам бемағʓ

Ё лап хаẋ хурдат̌ам пе̂ қисмат тахст

Туят ика Лайли, узум ику Маҷнун

Туят насиц бидал ат узум насуд̌ҷ дигаргун

Туят ғалец ика̄, узум ғалец ику

Сад товам ишқ бине̂стат, воям аз якат̌ вируд

Ту лу̊ве̂ ‘ида, ига — вога д̌ев̌ин соз’

Мумкин, д̌ев̌ин мис суд̌ҷ, амо де̂ гапенен дис рост

Мумкин, ошиқе̂ бедалил ид тип

Мумкин, арчизцае̂ ẋо ид те̂бч ху, тижҷ

Дизгае̂ ғал ту шакле̂ ичай созанд надивиẋч

Аряк му сознивишт қате̂, му ғунҷенен фук риẋч

Муе ичай икеданд навард̌од че̂зу̊н д̌е̂дов̌

Амо тут вард̌од ме̂ му тат̌ характер бас яттов̌

Чисе̂ тар талефу̊н — қариб нав̌а̄д пропуше̂не̂

Мумкин, ту лу̊ве̂ ‘е̂-д̌уга қив̌д ху, бад зе̂м, ане̂?’

Просто лу̊мка бе ту мунд ху, диҷатум ẋо турд қив̌ҷ

Ат амо бас, дига фамум, му пицат нажив̌ҷ

Ту ишқ ёр пе̂ му суд̌ҷ, аранг пе̂ д̌ев̌ин — паре̂

Туят му дард̌, нист турд дав̌о — тут худододаге̂

Мот туям д̌у д̌ев̌ин, мот туям д̌у бадқар

Мот ту якдигарард тан на̄д̌ад̌ам

Туят ика Лайли, узум ику Маҷнун

Туят насиц бидал ат узум насуд̌ҷ дигаргун

Туят ғалец ика̄, узум ғалец ику

Сад товам ишқ бине̂стат, воям аз якат̌ вируд