Пас ку чиз биде̂?

Ча̄й набире̂зд икме̂ мулканд, фукат̌ серен

Арча̄й маг̌ʓу̊нҷ, в̌е̂ тар бато в̌е̂ панҷо

Амо серта арчиз абе̂зд, ю тоқа̄ят̌

Маг̌ʓу̊нҷ бире̂зд е̂ маг̌ʓу̊нҷ қате̂ якҷо

Пас ку чиз биде̂, ё Мав̌ло?

Арча̄й цахирт, виред яст рисқ хидора

Амо ганҷ сандуқанд қулфен қатир ҷой

Арча̄й баме̂нат хурд виред бире̂ẋтора

Чизард йа̄ тоқа̄ят̌ насу̊д ку ар ной?

Пас ку чиз биде̂, ё Худ̌ой?

Арча̄й цахирт, аз ку̊м забу̊н ю ред̌ҷинат

Д̌у̊йу̊н мис цаве̂ен, де̂ ёсен лақ-лақ

Арча̄й бире̂зд ху, ба̄д царистта тоқа̄ят̌

Де̂ д̌ид пинʓ ху, ẋикирт че̂ қате̂ чақ-чақ

Пас ку чиз биде̂ ат ча̄й ку пас ақ?

Арча̄й цахирт, аз охират в̌е дил пурде̂

Арча̄й бире̂зд, лапде̂ ю чурт д̌ид мидов̌

Арча̄й бире̂зд, дузаханд — динде̂ гап нистат

Нахо сен ар бииẋт аз дасте̂ хидов̌?

Пас ку чиз биде̂ ат чизга чидов̌?