Дарё қате̂

Йа̄е̂ соз лу̊д арчизца дарё қате̂

Хушмуқу̊м ат га̄пакен барҷо қате̂

Лапде̂ лу̊вдат, ширамастде̂ё му киẋт

Во ара̄нгато чилим вино қате̂

Ё в̌ам умре̂ тез тизд, дарё ҷино

Ё ку виц в̌ам соилард оẋно қате̂

Мурде̂ форт йа̄ му қата̄ ду̊нд вид арам

Бе муят̌ арҷора вид — Мав̌ло қате̂

Я ҷав̌у̊н, фук в̌инт ҷау̊н ма̄ни дарун

Уз ху пир лу̊м, е̂ пир ма̄но қате̂

Ёш дида̄ пир су̊д ху, ку̊р мис цасу̊д

Д̌уст-ме̂-д̌уст ку̊р тизд магам бино қате̂

Е̂ қадам ло рив̌оздта ше̂ раздта ху, в̌оẋт

Е̂ назар, муе̂ сент, муе̂ ёд, муе̂ зоẋт

Уз ху чил соле̂ ёдум аббор е̂ панҷо қате̂

Е̂ қадам ло рив̌оздта ше̂ раздта ху, в̌оẋт

Е̂ назар, муе̂ сент, муе̂ ёд, муе̂ зоẋт

Уз дарё доре̂юм бироẋт в̌ам дарё қате̂

Йа̄е̂ соз лу̊д арчизца дарё қате̂

Уз ẋинум, мудум, кутат̌ куто қате̂

Ай, ёру̊н, лу̊вет е̂ соз ку ошиқард

Ма̄д̌ му созен беẋде̂ фук дав̌о қате̂

Уз над̌а̄м д̌уст ху, на ширинум в̌амард

Д̌ев̌ базеб су̊д на̄ е̂ 'бисмилло' қате̂?

Чизарден сар рост ата̄ ақ шоирард

Де̂ нивишч қисмат азор хатто қате̂?

Я ҷав̌у̊н, фук в̌инт ҷау̊н ма̄ни дарун

Уз ху пир лу̊м, е̂ пир ма̄но қате̂

Ёш дида̄ пир су̊д ху, ку̊р мис цасу̊д

Д̌уст-ме̂-д̌уст ку̊р тизд магам бино қате̂

Е̂ қадам ло рив̌оздта ше̂ раздта ху, в̌оẋт

Е̂ назар, муе̂ сент, муе̂ ёд, муе̂ зоẋт

Уз ху чил соле̂ ёдум аббор е̂ панҷо қате̂

Е̂ қадам ло рив̌оздта ше̂ раздта ху, в̌оẋт

Е̂ назар, муе̂ сент, муе̂ ёд, муе̂ зоẋт

Уз дарё доре̂юм бироẋт в̌ам дарё қате̂