Бе ту дис қин

Набофт дига ме̂ фук тоқатчид

Узум лу̊д, го ям дард̌таш наг̌ҷист

Амо дил соф суд̌ҷ ғамгин

Мурд бе ту во дис қин

Бе туюм суд̌ҷ қин, тута де̂ фаме̂

Ар му қив̌до қате̂ қилоғта му анҷаве̂

Фамум, жив̌ҷгаẋ турд бозе̂

Ат узум ту бозе̂нгарак го

Чисум, тунд бе му фук оте̂до

Ту дов̌ вуд тидов̌, туят хундте̂ чуд

Чудат му айбдор йу̊данд, го узум фук чул чуд

Фам фук, турд сут бу̊на ям маш ҷудое̂

Там во, вудум е̂ ду̊на, ишқ хуте̂ гуное̂

Ар ẋабаҷевта му дил киẋт нолан

Ар сараке̂та ям қив̌д ту ну̊м

Ям киẋт хоиẋ ве̂ ту му хезанд

Амо дизгата насу̊д, о, му ҷу̊н

Д̌едта бору̊н, накиẋт ору̊м

Хоиẋум чуд ве̂ям уз ат ту ду̊нд

Шичат ту д̌ар

Нистат му хезандат ту, о му ҷӯн

Набофт дига ме̂ фук тоқатчид

Узум лу̊д, го ям дард̌таш наг̌ҷист

Амо дил соф суд̌ҷ ғамгин

Мурд бе ту во дис қин

Лу̊дат ‘ве̂ямта қате̂ ту̊нецам ғал зинда’

Лу̊дат ‘узум ту жив̌ҷ, тут мунд е̂ ду̊на’

Лу̊дат ‘ве̂ямта уз ат ту ду̊нд’

Узум турд чуд бов̌ар, бов̌аре̂ аз диле̂ ҷу̊н

Ҷу̊нта цирафцт, дил суд̌н ғамгин

Туло фарқ мурд нист, туло суд̌ҷум уз қин

Суд̌ҷум ху фикренанд алалаш

Бов̌аре̂ цакине̂, тар иче̂ шич мунд нист ав̌ас

Лу̊дат ‘ке̂ бас, зе̂ ху фук рине̂с’

Лу̊дат ‘арчиз мот тунд цавуд, ту лак в̌е̂ бине̂с’

Ке̂ га аз ху диланд му тоза

Ду̊нҷат мот ту жив̌ҷгаẋанд навуд ачат̌ мазза

Ат хубат̌ат икде̂ сиц во даргил

Ар ẋабта нав̌е̂, юẋкен насен гир

Чудат хоиẋ го сав̌ам ҷудо

Амо фикре̂ят начуд дилента рисен ғамгин