Нистат му хезанд

Ика ганда руз, ғалец аз му мағʓанд нанаẋтизд

Цатойдат, ху дилат д̌од қулф ху,

зоẋтат хуҷа в̌ев в̌иẋиʓ

Баде̂ икде̂ фук, нафамум, царанг чисе̂та тар му пиц

Фукат нихухт в̌е̂, арчизат̌ аз буллодат̌ цамизд

Турд фук вуд бозингарак, гок лу̊дат 'ям ишқ бедарак'

Лу̊дат 'арчиз мот тунд цавуд, в̌ирд ачат̌ бов̌аре̂ мак'

Машард марг, тезат̌ам де̂ фук аз даст цад̌од

Аз руе̂ ту беақле̂гаре̂ д̌одам фук де̂ бод̌

Хе̂р то туе̂ц, ишқ мане̂юм уз ачат̌ нафамт

Хе̂р, кабутар миғунат рив̌иẋтов̌ му чуд ухманд

Зибота лу̊ве̂ мурд 'зе̂ шич ху, ху па̄рен ẋичанд'

Го лак хаẋат̌ зимад̌ард д̌им ху, му дил су̊д д̌у канд

Фанд, туят д̌од му фанд, асхуят мис насат

Садандат вад ив̌ мурдат, туте̂юм вуд касал

Худат қасам, лу̊дат 'насав̌амта ачат̌ ҷудо'

Зибо хубат̌ат чуд му дил тар ху шитто

Туят зоẋт ху, лакатчуд му тоқа

Ат ме̂ тоқаге̂ дис қин тоқат

Уз ғалец накинум хурд бов̌ар

Цалакатчудат му тоқа

Маҷбурат му чуд, чулар фук чуд

Зоẋтат ху, в̌ите̂ят̌ат тойд

Мунд му дил ғал киẋт нолан

Цанистат ту му хезанд

Хелак в̌ахт наг̌ҷид, цанистам мот ту қате̂

Соленен икдис тез наг̌ҷид, чиз сут бидал баде̂ в̌е̂?

Узум ғал икме̂те̂ ред̌ҷ тоқаят, тут уже̂ ига қате̂

Ху цемен бид̌ембум, в̌инум в̌е̂ ту писпале̂

Аз ваҷта в̌ирд дивесе̂, царангат го хаẋ в̌е̂ жив̌ҷ

Ат на самом деле тар в̌е̂, мазга, тунд нист ичиз, дил гаẋт жир

Хоиẋат чуд гаẋтчид, амо ту дордостаке̂ д̌од̌ҷ ту гир

Ту марине̂с арчиз мот тунд цавуд

Мабине̂с аз ху диланд ту му

Туят зоẋт ху, лакатчуд му тоқа

Ат ме̂ тоқаге̂ дис қин тоқат

Уз ғалец накинум хурд бов̌ар

Цалакатчудат му тоқа

Маҷбурат му чуд, чулар фук чуд

Зоẋтат ху, в̌ите̂ят̌ат тойд

Мунд му дил ғал киẋт нолан

Цанистат ту му хезанд