Тақа-тақ

Тақа-тақ д̌одуме̂ бар даре̂ думборе̂ Али

Пеẋсте̂ ю ‘ча̄яте̂?’, лу̊м ‘хаста̄ беморе̂ Али’

Ете̂ чуд мурд ю диве̂, дасте̂ бар синае̂ в̌е̂

Ёд̌д азу̊д, ёд̌де̂ азам, туло айбдоре̂ Али

Тақа-тақ д̌одуме̂ бар даре̂ думборе̂ Али

Чуẋтум уз ху̊нае̂ шо — кулбае̂ тозамаин

Ат амо холе̂ ата̄ на хасатхоре̂ Али

Ситте̂ вад чодаре̂ Инд ат яманд ша̄м рухаке̂

Аҷга на симу-зарат, о, на гулзоре̂ Али

Бурҷте̂юм сурате̂ в̌инт, аксе̂ ма̄ш Озириму̊м

Ат в̌е̂ биранде̂ сухан ‘дидаю, торе̂ Али’

Чуẋтум, е̂ куза̄ ямандат, арам хуне̂ сафо

Хуне̂ Айсое̂ базеб, о, ба ёдгоре̂ Али

Тақа-тақ д̌одуме̂ бар даре̂ думборе̂ Али

Пеẋстум ‘ей, Шое̂ бузург, ка̄е̂ Зулфиқоре̂ ақе̂?’

На̄ла ‘йа̄, ей, му мурид, сирре̂ сирдоре̂ Али’

‘Те̂ғе̂ язду̊не̂ ту дар — дасте̂ Мав̌лое̂ Карим’

‘Цунке̂ ю тахтте̂ базеб, соибе̂ коре̂ Али’

На̄ла ‘ей, хаста̄ мурид, ло умед̌е̂ ху сафар’

‘Ло мақсаде̂ ху аёт, ке̂ ху озоре̂ Али’

Лу̊м ‘ало Шое̂ ақо, му диёр хор ат убол’

‘Халқ фукат̌ хаста̄ ата̄, о, гунакоре̂ Али’

На̄ла ‘ей, хаста̄ мурид, са ав̌ал ақле̂ вире̂’

‘Ақле̂ пед̌о цакине̂, су̊дта турд ёре̂ Али’

‘Ақле̂ халқанде̂ цанист, в̌ирдта осу̊не̂ навирт’

‘На ю дидоре̂ Иму̊м, нага дидоре̂ Али’

Тақа-тақ д̌одуме̂ бар даре̂ думборе̂ Али

Дасте̂ аз ҷу̊ма̄ зив̌ост, вуд в̌е̂ бентире̂ в̌е̂ дил

Чуẋтум, пурзахм диле̂ Шо, за̄р ата̄ море̂ Али

Аряк захманде̂ нивишт ну̊ме̂ аряк ху мурид

Фа̄мтум, аз оле̂ фукат̌, о, хабардоре̂ Али

Уз яманд курее̂ талх, куре̂ аз аз ну̊ме̂ фуке

Вет ку чурт д̌а̄д̌а̄м пас, о, в̌е̂ гуфторе̂ Али

‘Ақле̂ халқанде̂ цанист, в̌ирдта осу̊не̂ навирт’

‘На ю дидоре̂ Иму̊м, нага дидоре̂ Али’

Тақа-тақ д̌одуме̂ бар даре̂ думборе̂ Али