Зинда̄ зиндагу̊не̂

Ага Мав̌ло насиб киẋт нозийу̊не̂

Е̂ хоиẋ мунд иҷро цакиẋт ақу̊не̂

Уз хоиẋум ту̊нец яст оламулло

Ту зинда̄ ве̂ ху, зинда̄ зиндагу̊не̂

Ага ẋоҷ му цакиẋт рузе̂ ару̊ме̂

Ё ку дин аз му киẋт яст бадгуму̊не̂

Мунд аз рое̂ гуно рое̂ наҷот ив̌

Ту зинда̄ ве̂ ху, тоза̄ бандагу̊не̂

Ага цемен бид̌ембум, бов̌арум уз

Ту под̌ пе̂ бир ҷау̊н сим ат зарум уз

Де̂ мало мунд ẋоҷ аз марге̂ бера̄м

Ту зинда̄ ве̂ ху, га̄п нист, турд марум уз

Ту чис дав̌ра̄гузар, дав̌ра̄ рав̌у̊не̂

Рузак баша̄нде̂ вирт, рузак зийу̊не̂

Туят икмунд де̂ вад, уз ба̄д ғамум нист

Ту зинда̄ ве̂ ху, аз ганда̄ аму̊не̂

Ага ёд̌ум ху умре̂ бенав̌о уз

Уз аз в̌е̂ лап қин ат мот ат фано уз

Ку шиц якбор му ла̄к ту зу̊накенте̂

Е̂ ое̂ саре̂ д̌а̄м аз фук бало уз

Ага Заифе̂ умре̂ нотав̌у̊не̂

Ю дузах аз кудаке̂ то калу̊не̂

Туят икмунд де̂ вад, уз ба̄д ғамум нист

Ту зинда̄ ве̂, му ҷаннат ҷовиду̊не̂