Fuk az Xuδoy

СабзАли — Фук аз Худ̌ой

Арчиз машанд цанист

Арчиз цаяст, юта нарист

Ристта осму̊нте̂ хир, пе̂ ку га — жир

Аз маш ситху̊н мис нарист

Аранг ца вад дунё, икв̌е̂те̂гата рист

Я мунта пист, қобилта рист

Худ̌оярд га малум фук рист

Рам тар банда, жив̌ҷгаẋ ат ишқ — фук аз Худ̌ой

Ат туфу̊н, бору̊н ху — тар киẋти га навуд ҷой

Дузах о биẋт? Цу̊ндик гуно?

Д̌у рузга цавид ям аёт

Сав̌ам рав̌у̊н, чиду̊м диве̂?

Арҷой в̌ирд цавид барав̌от

Арчиз царист аз мам аёт

Фақатта рист ю маш баёд̌

Шамол дастурта фукат̌ бест

Насу̊д такрор, нагата ёд̌д

Ку қив̌ икв̌ев, цатойден в̌ад̌

Ку чиз аз в̌ев хабар?

Фақат ту диланд ҷой

Дилард қариб, ту лу̊ве̂ в̌ад̌ен д̌ар

Жив̌ҷгаẋ диландат пед̌о чуд

Амо қисмат насут насиб

В̌ахтат га мис парҷувд

Фук дард̌енард цавуд табиб

Ме̂ ẋар дарун ху пу̊нд бине̂счум уз

Бине̂стов̌ азу̊д ху даркор

Му мағʓ мурд лу̊вд

Му дилард га нафорт тидов̌

Арцу̊нд ту дил цану̊д

Арцу̊нд цавиен чуст пу̊нден

Чай фамт, насиб яст су̊д

Абад чидов̌ мев мисраен

Зимад̌ ца гард̌д

Ғам мак ту ичиз бине̂сто

Фук аз Худ̌ой, фук пе̂ Худ̌ой

Арцу̊нд қин дивест, ичизга дав̌о нист

Машард аз маш доден ику е̂ пу̊нд рист

Пиндоре̂ нек, гуфторе̂ нек, рафторе̂ нек

Пиндоре̂ нек, гуфторе̂ нек, рафторе̂ нек

Цасав̌е̂ мис безоро

Арцу̊нд ту гурм пист, фақат

Пиндоре̂ нек, гуфторе̂ нек, рафторе̂ нек

Пиндоре̂ нек, гуфторе̂ нек, рафторе̂ нек

Ту фикре̂ мак фукен одам, ве̂род

Ту бояд фам, ям зиндаге̂ е̂ дам, ве̂род

Илав чисе̂ туло фукв̌ахтен в̌ад̌ че̂ ред

Аз мам дунё ар в̌ам дунё ив̌ат̌ қадам, ве̂род

Ат ястен ғалец ца пард̌оден одаминзот

Е̂ ба цачуден интихоб, 30 нуқраге̂ танга

Ат ар дарё ẋацбире̂ẋтте̂ Абулфазл

Чуде̂ ху хаẋ, ду̊нҷат ве̂род зирёт туẋна

О, ве̂род, царанг ту фаме̂ мам аёт хурд?

Цалу̊ве, тоқа навард̌е̂е̂ ҷау̊н д̌е̂дов̌ наҷот хурд

Цу̊ндик қин наҷотд̌е̂д пас вид, цавид

Ҷау̊н наҷот д̌е̂дов̌ — бесоиб кудард ав̌қот хурд

Гард̌енчат ху суфе̂ аз тоат ат зикре̂ чидов̌

Мардумард талим, бе биẋт пу̊нд дивиẋтов̌

Гуму̊нум, бе фойда турд биẋт ẋикидов̌ ага

Ту нан под̌ен пибир цавид шитто

Арчиз царист аз мам аёт

Фақатта рист ю маш баёд̌

Шамол дастурта фукат̌ бест

Насу̊д такрор, нагата ёд̌д

Пе̂ро аз охиру̊н нафас, чиз турд су̊д такрор?

Цанавид ар ту мағʓ хуше̂ хотира, ве̂род

Арцу̊нд қин дивест, ичизга дав̌о нист

Машард аз маш доден ику е̂ пу̊нд рист

Пиндоре̂ нек, гуфторе̂ нек, рафторе̂ нек

Пиндоре̂ нек, гуфторе̂ нек, рафторе̂ нек

Цасав̌е̂ мис безоро

Арцу̊нд ту гурм пист, фақат

Пиндоре̂ нек, гуфторе̂ нек, рафторе̂ нек

Пиндоре̂ нек, гуфторе̂ нек, рафторе̂ нек

Му зиндаге̂ хуше̂ — тар ẋаре̂ илм диве̂ ситтов̌ қариб

Амир ал-Муминин — фук му дард̌енард ю табиб

Фақат ягу̊на орзу мам зиндаге̂нде̂ мунд

Му зирётенард в̌е̂ Дидор лак су̊д насиб