Rizin

Узум лапат̌ ёш вуд туят ба дунё цаят

Диҷат нафа̄м, рост ё ғалат чудум ту тарбе̂ят

Ат катат ма̄лум қоғазте̂ турд нивишум

Зе̂ мам ха̄т, аз ту та̄т, ям му насиат

Ризин, уз фук ту сав̌оленард нафа̄мум ҷав̌об

Бов̌аре̂, дев беẋард хубат̌ ғал мис ẋикарум

Фана̄ пу̊нденен яст, фана̄ фикре̂, фана̄ га яст китоб

Ма̄ш пу̊нд ма̄лум, вире̂ямта баша̄ндат̌ цаẋикара̄м

Ло иллоа илалло, ризин, ту дин ислу̊м

Шиа̄ мазаб, Исмоил, Низор, Озириму̊м

У̊н, икде̂ иму̊н қате̂, нистат ту ичирд зийу̊н

Қарибга са̄в̌е̂ Худ̌оярд, цавие̂ биде̂ инсу̊н

Бояд фаме̂

Тоқаге̂нде̂ят нист тоқа̄

Худ̌ой фукв̌ахтат̌ ма̄ш амро

Ю фукчиз в̌инт, фукчиз ю ẋинт

Хабардор аз фук дунё, фукчиз аз в̌е̂

Ху ка̄лта ха̄м д̌а̄д̌а̄м в̌ирд ду̊нд

Аз в̌е̂ям ят̌ч, пе̂ в̌е̂ га ма̄ш тидов̌

Ризин, гирса пе̂ му, му д̌устардга анҷа

Нафа̄ма̄м икам в̌ахтта ку ёд̌до ицав̌ахтга

Хабарта наса̄в̌а̄м, цаса̄в̌е̂та ту ғулла̄

Ɣуллаге̂рата нафорт ба̄д му д̌устард анҷивдов̌га

Лап тез ма̄жоз, нав̌оẋе̂, цав̌оẋе̂

Та̄тта киẋт ба̄ ху, киẋтта пуф ху, да̄рд̌та бест

Зиндаге̂нде̂, ичиз қине̂нде̂ мис цав̌оẋе̂

Фа̄м, ту та̄т туқате, дунёте̂ цанавим мис

Мет̌та тиздат, ẋа̄бта дед̌дат

Хирта тиздат, ме̂ст наẋтизд

Ɣу̊к тора на̄н ẋа̄б то мет̌ат

Мет̌ то ẋа̄бат, сол то сол

Мет̌та тиздат, ẋа̄бта дед̌дат

Хирта тиздат, ме̂ст наẋтизд

Ризин, ту ẋофц, ма̄ке̂ парв̌о

Ма̄ша̄м ху қисматте̂ соиб де̂ вада̄м в̌ирд таёра̄

Де̂ҷат дунёте̂ ту ду̊ниш ту сар даркоре̂ в̌из

Зур ду̊ниш қате̂та тунд су̊д имку̊ният фана̄

Ага ар ту ҷеб мис цанавед ичиз

Арчиз қине̂га цаёд̌д аз пе̂ро мам зиндаге̂нде̂

Фа̄м, цуғ ху д̌а̄м, са̄м ша̄м, руẋно кинум ту пу̊нд

Ага му жив̌ҷгаẋ цакиẋт турд каме̂

Фа̄м, та̄тенанд в̌ев мубориза̄, цанист осу̊н

Имте̂у̊н ям зиндаге̂ят, асос рое̂ рост

Ақ пиндор ат гуфтор ат рафторе̂ нек дарун

Маке̂ тоқат ноқе̂ ху ё иче̂га барост

Худ̌ой дов̌ар, юта аз тир чост

Д̌ар тар сафар цаса̄в̌е, тар нав̌ ҷоен

Марине̂с ху чид, ху замин ат арарен

Ту хоксоре̂ ат баша̄нде̂ ат ту росте̂

Лаке̂ вид биланд, ара̄нг ту Помер куен

Мам дунёте̂юм мему̊н

Ат в̌ахтта ёд̌д, узта мис тим

Мам ху ха̄т қате̂ охиру̊н кор ту римим

Хуше̂ чидов̌, хуш видов̌

Аз тирте̂ ла̄к цачисум, хуш са̄м

Ага хуш ту цав̌инум

Мет̌та тиздат, ẋа̄бта дед̌дат

Хирта тиздат, ме̂ст наẋтизд

Ɣу̊к тора на̄н ẋа̄б то мет̌ат

Мет̌ то ẋа̄бат, сол то сол

Мет̌та тиздат, ẋа̄бта дед̌дат

Хирта тиздат, ме̂ст наẋтизд

Ризин, ту ẋофц, ма̄ке̂ парв̌о