Shamol

Узум лакчуд ху дил Душамбе̂ хист пу̊нденард

Баде̂ бору̊нен цад̌од в̌ад̌ бу̊й

Чорбоғ дарёлавваям цавад якҷо

Ямандум бине̂ст уз ху ҷу̊н

Ху хуше̂ ар ʓулике̂, ху тат қате̂юм цачуд бозе̂

Узум в̌инт аранг тат, ху зирётен қате̂

В̌ев шинто — ку ло, хуше̂ра турд чизга даркор?

Зиндаге̂ аранг биябу̊н, машам бине̂сч ху пу̊нд

Пул ат моле̂ дунёе̂ маш чуг̌ҷ айру̊н

Хуше̂ра цу̊нд даркор су̊м?

Ху бадта су̊д ту ҷу̊н ору̊м

Ат уз хуг̌ну̊не̂ чид пинʓ ситан дарунум ору̊м

Ёц ат гитар га цавид мурд амро

Ẋабаҷев мисра дарун, аранг бум

Ага̄юм то сараке̂ ситтов̌

Уз бов̌арум ягу̊на Худ̌оярд

ат рузе̂ оқибатард

Ху нан гапенард, ду̊нҷат фамум, в̌ад̌ен рост

Ху тат коренард, ду̊нҷат ю кихт зирётард

Лаке̂ вим башанд тат ху зирётен барост

Шамол ку ёс му аз ме̂ ҷой иктарв̌е̂ ҷой

Яманде̂ пул наёд̌ҷ ғал фикре̂ен

Шамол ку ёс му аз ме̂ ҷой иктарв̌е̂ ҷой

Яманд му ҷу̊н а̄га ца вид ору̊м

Шамол ку ёс му пе̂ му ẋар кина в̌ахтен

Икв̌ад̌ в̌ахтен, в̌ад̌ аҷга такрор цанасен

Ку ёс му пе̂ Харағ — пе̂ му куен

Икв̌ад̌ куен, падамта цасипорум уз ху ҷу̊н

Узум дакчуд ху в̌ахт Харағ ẋаценард ху

В̌ад̌ен, дарё дастур, сат рав̌у̊н

Бадум цафамт в̌ахт қадре̂, цу̊ндик ю

Аз ху коренум ẋо сут хему̊н

Нан, манаẋте̂ тар му пу̊нд

Нафорт мурд ту юẋкен в̌интов̌

В̌ид̌ич қисмат икду̊нд

Ɣулаге̂нде̂ аз лу̊на рив̌иẋтов̌

Тат, ку дак дуо

Маш пу̊нден оврингенва пе̂ куе̂ Қоф

Ик пе̂ в̌е̂ ҷой аз ҷау̊н д̌ар ю ца соф

Икв̌ад̌ куен, пе̂ ху хез цаналакен

Цавид бад ту ният ат цавие̂га беинсоф

Шамол, аз му хаёланд д̌ар ке̂ хатоге̂

Лаке̂ фамум зиндаге̂ ақу̊не̂ мане̂

Фамум му заминта е̂ руз су̊д нигин

Уз бов̌арум, арцу̊нд ид цавид қин

Ат ẋоҷ д̌е̂рум ту сав̌е̂ят, уз туте̂ навим

Яст уз мис тим

Шамол ку ёс му аз ме̂ ҷой иктарв̌е̂ ҷой

Яманде̂ пул наёд̌ҷ ғал фикре̂ен

Шамол ку ёс му аз ме̂ ҷой иктарв̌е̂ ҷой

Яманд му ҷу̊н а̄га ца вид ору̊м

Шамол ку ёс му пе̂ му ẋар кина в̌ахтен

Икв̌ад̌ в̌ахтен, в̌ад̌ аҷга такрор цанасен

Ку ёс му пе̂ Харағ — пе̂ му куен

Икв̌ад̌ куен, падамта цасипорум уз ху ҷу̊н